Die Bergsig Skool was onlangs deel van ‘n historiese geleentheid op Kariega.
Dís toe die dorp gasheer was vir een van die grootste tydrenbyeenkomste in ongeveer 20 jaar.
En die Algoa Rally Club se enjins het behoorlik gebrul!
Die Rally Club het dié geleenheid gebruik om van die Bergsig-leerders wat onlangs met ‘n motorsport-program begin het te gebruik om te help met die voorbereidings en opruiming na die tyd.
Die leerders het saam met Marco Griesel wat ‘n onderwyser is en ook deel van die kommitee is, gehelp om roetes te merk vir die Rally en ook weer na die tyd skoon te maak.
Daar was ‘n propvol program vir beide deelnemers en toeskouers, met sowat 40 inskrywings wat gesorg het vir baie opwinding vir die toeskouers.
Na al die voorbereidings het die leerders ook die geleentheid gehad om te deel in die Rally deur self in die diensarea (pits) te help op die Liquid Molly en Bergsig VW Polo.
Riekus Schmidt, die bestuurder en eienaar van die Polo, het dit goed gedink om Bergsig deel te maak van sy span om die leerders ‘n geleentheid te gee om ervaring op te doen in die diensarea (pits).
Griesel is gevra om die navigator te wees in die Polo en so kon die skool verder deel wees van die wonderlike geleentheid.
Die span het die Vrydag ‘n derde plek in hulle klas verower en sewende algeheel.
Saterdag ná ‘n “control arm” gebreek het en met Bergsig in die 5de plek in hulle klas, het die span uiteindelik die 12de algeheel plek ingeneem.
Die span het die splinternuwe Polo tot sy uiterste gedruk om ‘n goeie eindresultaat te behaal.
Bergsig het sy dank uitgespreek teenoor Schmidt dat hulle deel van die opwindende geleentheid kon wees.
You must be logged in to post a comment.