Pretstap saam met CMR op vakansiedag

DINSDAG is Erfenisdag, ’n vakansiedag, Braaidag en die CMR Uitenhage hou ’n 5km pretloop om dié dag op ’n goeie voet te begin. Die pretloop begin om 08:00 by HTS Daniel Pienaar se sportveld. Inskrywings is R10/persoon en ’n item nie-bederfbare kos. Registrasie vir deelname kan by die CMR-kantoor in Johnstraat 41 gedoen word of die oggend van die pretloop vanaf 07:00. Die publiek word uitgenooi om die pretloop saam te kom geniet. Vir meer inligting bel Yolanda Gouws by 041 922 9004.